ROXAS CITY – Patung patong nga kaso ang ginapangatubang sang retirado nga pulis nga nagwaras kag gintuyo nga sumbagon ang chief of police sang Maayon Municipal Police Station.
Kalakip sa mga kaso nga ginpasaka kay retired police officer John Francis Borres sang Poblacion Tabuc, Maayon, Capiz amo ang direct assault, alarm and scandal, tresspass of dwelling kag malicious mischief.
Nagapabilin sa karon sa bilangguan si Borres kasunod sang pagpangayo sang assistance sang iya pamilya matapos ini magwaras bangud sa tuman nga kahulugbon.
Samtang gina-imbestigahan ini sang mga pulis sa Maayon Police Station hinali lamang nga nagtaas ang iya tingog kasunod ang pagtuyo nga pagsumbag Police Lt. Mark Garcia.
Sa maayo nga palad, nakalikaw ang hepe sang pulisya kag nadesisyunan nga isulod na lamang ini sa karsel bangud sa iya nga pagwaras.
