ROXAS CITY – Nabutang karon sa kontrobersiya ang isa ka SK chairman matapos nagpanghaboy sang bato kag botelya sa Barangay Adlawan, Roxas City.
Nag-angkon sang pilas sa ulo at tuhod ang tatlo ka tawo matapos maigo sang bato kag botelya nga ginhaboy ni SK chairman Rolbert ‘’Pato’’ Caloyloy sang Barangay Adlawan sa balay ni Caroline Moreno, matapos ginaalegar naakig sang sitahon sa pagsulod sa kuwarto kag nagpakighilawas sa ex girlfriend nga ila kaupod sa ilimnan.
Sa interview sang Bombo Radyo Roxas kay Noe Arroyo, isa sa tatlo ka mga napilasan, ginpahayag sini nga yara sila sa balay ni Moreno nga ila nga abyan nga naga-inum sang mag-abot ang grupo ni Caloyloy.
Apang hubog na ang nasambit nga SK chairman nga nagpadulong lamang sa okasyon ni Moreno, para mapadayon ang ila nga pag-inum.
Nagakinasadya na sila sa pag-inum sang hinali nga magtindog si Caloyloy kag nagsulod sa kuwarto kaupod ang ex GF.
Nagkaisog lamang nga sitahon si Caloyloy sang mabatian ang pagsinggit sang ex gf sang sk chairman.
Bangud sa kaakig sini, ginhaboy niya sang bato kag botelya ang balay ni Moreno tobtob naigo ang tatlo ka mga naga-inum.
