ROXAS CITY – Nangin madinalag-on ang team Capiz sa ginpatigayon nga 1st Ilocos Tigers Pencak Silat National Tournament virtual edition 2021.
Ini ang ginkalipay nga ginpahayag ni Conwel Diestro, coach sang Caoiz Team Pencak Silat, sang mainterview sang Bombo Radyo
Suno diri, dako nga bugal sa ila grupo ang mangin overall champion sa nasambit nga kompetisyon.
Nakakuha sang 54 ka mga gold, 29 ka mga silver kag 23 ka mga bronze medals ang probinsya sang Capiz.
Ginsundan naman sila sa ikaduha nga posisyon sang Ilocos Tigers Pencak Silat team kag pangatlo ang Philippine Lightning Speed Warriors Pencak Silat sag Aklan.
Nahibaluan nga ginpasakupan sang 16 tanan ka mga hubon nga nagikan sa nanari-sari nga lugar sa Pilipinas.
Ginpatigayon ang kompetisyon sandtong Setyembre 18 tubtob 19, 2021.
