ROXAS CITY – Mas ginhugot sang Capiz Police Provincial Office ang barangay intelligence network sa mga barangay para ma-monitor ang mga tawo nga nagasulod sa lugar.
Suno kay Senior Superintendent Samuel Nacion, provincial director sang CPPO, ini ang nangin tikang sang pulisya para masiguro nga ndi makasulod ang anuman nga grupo nga posible magsabwag sang kalakasan sa probinsiya.
Ginpabakud man sang mga pulis ang ila nga intelligence information gikan sa ila mga counterpart sa Philippine Army agud masiguro nga luwas ang residente sa katalagman.
Sa karon wala pa sang nabaton nga anuman nga report ang pulisya nga may presensiya na sang Abu Sayaff Group sa Isla sang Panay.
Ginpasiguro man ni Nacion nga handa ang kapulisan nga hatagan sang proteksyon ang mga Capizeño.
