ROXAS CITY -Padayon ang monitoring kag paghimo sang nagakaigo nga tikang sang natungdan nga ahensiya sang gobyero sa syudad agud ma-contain ang paglapta sang COVID-19 sa syudad sang Roxas.
Sa karon may 74 ka mga active cases nga na-record sa Roxas City nga ginhatagan sang pagtamud sang natungdan nga talatapan sang gobyerno.
Ginpahayag ni Mayor Ronnie Dadivas bilang aksyon sa mga indibidwal nga nagasuprer sang sintomas sang COVID-19 ang pagpaidalum sa ila sa swab test.
Kun mangin positibo gilayon ini ginadala sa Roxas Memorial Provincial Hospital nga amo ang COVID-19 referral hospital samtang ang mga asymptomatic naman ginapahamtang sa hortus botanicus.
Pananglitan nga mapaidalum sa lockdown ang isa ka barangay, gilayon nga ginakordon ang area kag wala ginapahanugutan ang mga pumuluyo nga makaguha sa ila mga balay sa sulod sang 14 diyas.
Gilayon nga nagahatag sang food packs bilang ayuda ang Roxas City government pinaagi sa City Social Welfare and Development (CSWD)sa mga apektado nga mga residente.
Ginpasiguro sang opisyal nga nagatinguha ang gobyerno nga mabuligan ang mga apektado agud mapalab-ot sa ila ang pagtatap kag suporta sang gobyero.
