Hugot nga pagtuo sa Diyos kag sa kaugalingon ang nangin isa ka Liyabe sang isa board passer agud makapasar sa exam sang 2026 Criminology Licensure Examination.
Sa interview sang Bombo Radyo kay Phoebe T. Canoy, tumandok sang Iloilo kag board passer sang February 2026 Criminology Licensure Examination, iya ginpahayag nga tuman gid ang iya nga kalipay sang pagkita sini nga yara sa list sang passer ang iya nga pangalan.
Suno sa iya, daku gid ang bulig sang iya nga pamilya kag mga barkada sa pag-motivate agud makuha ang nasambit nga pasinawan.
Dugang pa niya, nga apisar tuman kabudlay ang exam wala gid siya ginpabay-an sang Ginoo.
Nagpasalamat man ini sa iya nga pamilya nga wala nag-untat sa paghatag sa iya sang supporta kag padayon nga nagasalig sa iya.
Mensahe sini sa kaangay man nga estudyante kag magakuha sang exam, nga magsalig lang sa kaugalingon, magpangamuyo sa Ginoo, magskwela sang mayo kag indi gid mag-untat sa paglab-ot sang handom.
