Nagalaum ang human rights group nga mangin tayuyon na ang proseso sang impeachment trial ni Vice President Sara Duterte matapos ang pag-convene sang Senado bilang impeachment court.
Sa interview sang Bombo Radyo kay Mr. Raoul Manuel, Karapatan national council member, iya ginpahayag nga indi dapat pagbastuson sang mga kaalyado nga senador ang proseso sang impeachment trial.
Suno kay Manuel, ang impeachment trial ang nagahatag sang mensahe sa mga politiko nga masarangan sang publiko nga mapasabat sa layi ang isa ka mataas nga opisyal.
Pahayag niya, apisar nga kaalyado sang pila ka mga senador si Vice President Sara Duterte, indi dapat nila pagtabonan ang sala nga nahimo sini.
Dugang pa sang natungdan, maabot ang tion nga indi lang si Duterte ang husgaran sang publiko kundi pati man ang mga senador.
