Nagapanawagan ang isa ka human rights group nga likawan ang sobra nga paggamit sang madalom kag teknikal nga mga legal nga termino sa nagapadayon nga impeachment trial ni Vice President Sara Duterte agud mas madasig nga maintindihan kag masundan sang publiko ang mga nagakatabo sa pagdinig.
Sa interview sang Bombo Radyo kay Raoul Manuel, National Council Member sang Karapatan, iya ginpahayag nga importante nga klaro kag simple ang pagsaysay sang mga argumento, ebidensya kag proseso sang impeachment bangud daku ang epekto sini sa publiko kag sa pagpanabat sang mga opisyal sang gobyerno.
Suno kay Manuel, ang impeachment indi lamang isa ka legal nga isyu kundi isa man ka pampubliko nga katungdanan. Gani, kinahanglan nga ang komunikasyon sa trial mangin mas maintindihan sang mga Pilipino sang nagakaigo nga impormasyon kag makahimo sang ila kaugalingon nga opinyon base sa kamatuoran kag indi sa sala nga impormasyon.
