Nagpanawagan ang human rights group nga Karapatan sa mga senador-judges nga magpabilin nga naka-focus sa artikulo sang impeachment complaint nga gina-istoryahan sa trial batok kay Vice President Sara Duterte.
Sa interview sang Bombo Radyo Roxas kay Raoul Manuel, National Council Member sang nasambit nga grupo, iya ginpahayag nga importante nga i-focus sang mga senador-judges ang ila mga palamangkutanon kag pahayag sa isyu nga yara sa partikular nga artikulo agud mangin tayuyon kag maathag ang dalagan sang impeachment trial.
Suno kay Manuel, dapat likawan sang mga senador-judge ang pagbuya sang mga pahayag nga daw kaangay nga nagapalayo sa bagay nga dapat gina-istoryahan sa impeachment court.
Pahayag pa niya, may pila ka mga senador-judges nga kaangay mas nagaserbe pa nga manugpangapin ukon abogado sang Bise Presidente Duterte base sa pamaagi sang ila pagpamangkot kag pahayag sa hearing.
Bangud sini, nagpahanumdom ang natungdan nga pamalandungan sang mga senator judges ang ila sinumpaan nga katungdanan sa impeachment court kag siguraduhon nga ang ila mga aksyon kag desisyon nabase sa Konstitusyon, ebidensya nga ipresentar, kag testimonya sang mga saksi.
