Nagpanawagan ang isa ka human rights group sa mga senator-judges nga maghalong sa mga pamangkot kag pahayag may kaangtanan sa nagapadayon nga impeachment trial kay Vice President Sara Duterte.
Sa interview sang Bombo Radyo Roxas kay Raoul Manuel, National Council Member sang grupo nga karapatan, iya ginpahayag nga ang ano man nga pahayag ukon pamangkot sang mga senator-judge ang mahimo nga makaapekto sa dalagan sang impeachment proceedings kag makatuga sang sala nga interpretasyon sa publiko.
Nahibaluan nga nangin sentro topiko sang paghinun-anon sa ikaduha nga adlaw sang trial ang pagpangusisa ni Senator-Judge Risa Hontiveros sa isa ka witness may kaangtanan sa Article 4 sang Articles of Impeachment.
Sa pihak nga bahin, ginpahayag ni Senator-Judge Pia Cayetano nga ‘not proper’ ang amo nga mga palamangkutanon bangud daw kaangay nga nagapanguna ini sa pagtalakay sang nasambit nga topiko.
Dugang pa sang natungdan, nagakadapat nga mangin mahinalungon kag responsable ang mga senator-judges, bangud yara sa ila kamot ang desisyon sa impeachment trial.
