Isa sa mga ginapangatubang nga problema sang pila ka talatapan sang gobyerno amo ang kakulangan sang traffic enforcers nga nagadumala sang trapiko.
Apang sa China, ginapatesting ang humanoid robot bilang posible nga solusyon sa amo nga problema.
Gin-deploy ini sa isa ka pilot program sa Hangzhou, Zhejiang Province.
May yara ini sang camera, radar kag computer system nga ginagamit sa pag-detect sang pila ka traffic violations, lakip ang mga nagamaneho sang motorsiklo nga wala nagasuksok helmet, e-bike nga may pasahero, mga salakyan nga nagalapas sa stop line kag pedestrians nga nagatabok sa indi husto nga tion.
Apang indi ini pareho sang RoboCop sa pelikula bangud wala ini sang armas kag indi man makadakop sang mga violator.
May yara ini snag wheels ini agud makalakat-lakat sa dalan kag sa subong, kabahin pa lamang ini sang trial program sa China.
