Ginpriso sang kapulisan sa Macau, China ang humanoid robot matapos gin-akusaran nga ginpahog sini ang 70-anyos nga babaye.
Natabo ang insidente sang gab-i samtan ang babaye nagalakat malapit sa Lok Yeung Fa Yuen residential complex sa Patane.
Ang robot, isa ka Unitree G1 model, nga hinali nalang nagtuhaw sa likod sang babaye samtang ini ang nagalantaw sang iya cellphone.
Sang natalupangdan sang babaye nga may tawo ini sa iya likod, nakibot ini kag gulpi nalang nga nagsinggit.
Ang video sang insidente naglapta sa social media platforms, kag madamo ang nagakabalaka tuhoy sa safety kag regulation sang mga robot sa public areas.
Makita sa viral video ang duha ka pulis nga nagpatunga kag gin-updan ang robot palayo kag ginpriso ini.
Suno sa local broadcaster, ang robot ang gintestingan lamang sang local education centre.
Pagkatapos nga nagpaathag ang tag-iya gilayon naman ini nga ginpaguwa kag ginbalik sa tag-iya.
