Gintaban sang wala makilan-an nga kawatan ang isa sako nga humay nga inug pagaling kun tani sa Sitio Libas, Barangay San Esteban, Pilar.
Sa pagpakig-angut sang Bombo Radyo kay Punong Barangay Julius Ceazar Patricio sang Barangay San Esteban, ginpahayag nga ginbutang sang tag iya sa gilid sang karsada ang humay agud kuntani ipagaling bangud ini naman ang nakaangdan sang mga pumuluyo sa nasambit nga barangay.
Suno kay Patricio, nakit-an nila sa CCTV Camera nga wala sang karga nga sako ang persona nga nagamaneho sang iya motorsiklo sa una nga pag agi sini sa lugar, apang sa pagbalik sini may karga na nga humay sa likod sang iya motorsiklo.
Panugyan ni Kapitan Patricio sa mga nakakilala sa amu nga persona makig angut lang sa ila nga Barangay opisyal sang San Esteban ukon sa mga kapulisan.
