“I am old, tired and frail.”
Ini ang nangin pahayag ni Former President Rodrigo Duterte sa sulat niya sa International Criminal Court (ICC) nga indi ini magtambong sa confirmation of charges proceedings nga natalana sa Pebrero 23 tubtob Pebrero 27, 2026.
“I am old, tired and frail. I wish for this Court to respect my peace inside the cell it has placed me. I have accepted the fact that I could die in prison. But those that desire this fate for me should know that my heart and soul will always remain in the Philippines,” suno kay Duterte.
Pormal na nga gin-waive sang former president ang iya kinamatarong nga magtambong sa ICC hearings sa confirmation of charges batuk sa iya sa masunod nga semana may kaangtanan sa koneksyon sini sa iya kampanya batuk iligal nga droga sang siya pa ang alkalde sang Davao City kag presidente sang Pilipinas.
Si Duterte ang naga-edad 80 anyos kag yara subong naka-detain sa The Hague, Netherlands.
