Ginkadismaya sang IBON Foundation ang pagbasura sang Kamara sa impeachment complaint batok kay Presidente Ferdinand “Bongbong” Marcos Jr.
Ang duha ka mga complaints ang gin-file nanday Atty. Andre de Jesus sa una nga impeachment complaint sang Enero 19, samtang ang ika-duha ang gin-file sang mga myembro sang Makabayan coalition sang Enero 22.
Sa interview sang Bombo Radyo kay Mr. Sonny Africa, Executive Director sang IBON Foundation, iya ginpahayag nga ang dismissal sang impeachment complaint nga gin-file sang mga meymbro sang Makabayan bloc batuk kay Marcos angnaga-raise sang seryoso nga concerns, indi lang sa flood control corruption kundi mangin sa systematic nga paggamit sang gahum kag public resources .
Suno kay Africa, imposible nga wala nahibaluan sang Presidente ang ginhalinan kag paggamit sang daku nga pondo nga naglab-ot sa binilyon ka pesos para sa flood control projects.
Ginpunto man ni Africa ang ginatawag nga Baselined–Balanced–Managed ukon BBM “allocables” formula, nga ginaaalegar gingamit ni Marcos agud makakuha sang pondo gikan sa ginpain nga pondo sa mga proyekto.
