Nagakabalaka ang IBON Foundation nahanungod sa proposed 2027 national budget sang gobyerno.
Sa interview sang Bombo Radyo kay Mr. Sonny Africa, Executive Director, iya ginpahayag nga wala nagasanto ang mga numero sa ginpahayag ni President Ferdinand Marcos Jr, nga ang budget nagapakita sang commitment sa paghimo sang mas mapag-on, patas, kag mauswag nga pungsod.
Suno kay Africa, nagdako ang budget para sa inugbayad sang utang, imprastraktura, kag militar, samtang nagnubo ang pondo para sa health, education, housing, social welfare, kag agriculture.
Lakip sa mga sektor nga nagdako ang budget amo ang:
Debt service: nagdugang sang P659.3 billion tubtob P2.7 trillion.
Infrastructure: nagdugang sang P178 billion tubtob P1.5 trillion.
Military: nagdugang sang P28.6 billion tubtob P452.4 bilion.
Samtang, nagbuhin naman ang pondo para sa pila ka importante nga serbisyo:
Health: nagbuhin sang P95.7 billion tubtob P362.7 billion.
Education: nagbuhin sang P68.5 billion, tubtob P1.2 trillion.
Housing: nagbuhin sang P3.95 billion, tubtob P6.7 billion.
Social welfare: nagbuhin sang P26.5 billion tubtob P323.5 billion.
Agriculture kag agrarian reform: nagbuhin sang P36.6 billion tubtob P276.6 billion.
Pahayag ni Africa, ang amo sini nga budget priorities mahimo nga mas mabatyagan sang mga imol kag mga vulnerable nga sektor sang komunidad.
