Nagalaum ang IBON Foundation nga indi makaapekto sa kaso ni former president Rodrigo Duterte ang posible nga pag-ilis sang lead counsel sang iya defense team.
Sa interview sang Bombo Radyo kay Sonny Africa, iya ginpahayag nga nagahatag ini sang katingalahan bangud wala gindisclose ang rason sang pagrequest sang withdrawal ni Nicolas Kaufman bilang lead counsel sang kampo ni Duterte.
Ini matapos nga nag-file sang request to withdraw si Kaufman kag ginpahayag nga nag-expire na ang iya kontrata sang Marso 31, 2026.
Suno pa kay Africa, importante nga mapadayon ang proseso sang kaso kag wala dapat ini makaapekto sa dalagan sang trial.
Dugang pa sini, gusto man nila nga tani makatambong na mismo si Duterte sa mga nagahilapit nga hearing ukon trial agud personal nga masabat ang mga isyu nga ginapangatubang sini.
