Nagapanawagan ang IBON Foundation sa gobyerno nga ipatuman ang wealth tax kag buhinan ang pila ka mga lokal nga proyekto agud maprotektahan ang mga Pilipino sa nagapadayon nga tensyon sa Middle East.
Sa interview sang Bombo Radyo kay Sonny Africa, Executive Director sang Ibon Foundation, iya ginpahayag nga mahimo makalab-ot sa P500 bilyon tubtob P600 bilyon kada tuig ang makolekta kung ipatuman ang 1 percent tubtob 3 percent nga tax nga nagalab-ot sa P1 bilyon tubtob P3 bilyon.
Suno kay Africa, kon indi insigida mahatagan sang aksyon sang gobyerno mahimo nga magdugang ang pigado nga mga pamilya sa Pilipinas.
Dugang pa niya, ang sector sang transportasyon ang tuman nga naakpektohan kon sa diin may yara sang masobra 2 milyon nga ginakabug-usan sang tricycle drivers, jeepney drivers, delivery riders, UV Express kag iban pa.
Pahayag pa sini, dapat tun-an man sang gobyerno ang pagsuspendi sang VAT kag excise tax sa produktong petrolyo kag hugtan ang regulasyon sa presyo sang langis sa idalum sang Oil Deregulation Law of 1998.
Nagalaum man ang natungdan nga gilayon nga ma-aksyonan ang nasambit nga problema agud makabulig sa pagpahagan-hagan ang krisis nga ginapangatubang sang pungsod Pilipinas.
