Nagapati ang Ibon Foundation nga may bastante nga ebidensya agud mag-proceed sa full trial ang kaso ni FPRRD sa ICC
Sa interview sang Bombo Radyo kay Mr. Sonny Africa, Executive Director sang Ibon Foundation, iya ginpahayag nga isa ka maayo nga tikang nga ICC ang magapatigayon sang trial sa anay presidente agud malikawan ang politikal nga impluwensya ukon ang pagbayad para maabswelto sa kaso.
Suno kay Africa, isa ini ka makasaysayan nga hitabo bangud isa ka anay pinakamataas nga opisyal sang pungsod ang maga atubang sa international court agud atubangon ang crimes against humanity nga ginpasaka sa iya sang pamilya sang mga biktima sang ginaalegar extra judicial killings.
Pahayag pa niya, mabug-at ang mga ebidensya ginplastar gani mabudlay para sa kampo ni Duterte nga depensahan ang anay presidente.
Matandaan nga ginbasura sa pre trial chamber 1 ang apat ka grounds sang jurisdiction sang kampo ni Duterte rason nga ma-proceed na ini sa actual trial.
Nagalaum man ang natungdan sang positibo nga resulta sa palaabuton nga trial agud mahatagan sang hustisya ang mga biktima sang administrasyon ni Duterte.
