Nagapati ang IBON Foundation nga kabahin sang political strategy ang mga pahayag ni Vice President Sara Duterte samtang yara ini Netherlands agud labi pa nga mapabaskog ang suporta sang iya mga supporters, sa tunga sang nagapadayon nga impeachment trial batuk sa iya kag sa ginapangatubang nga kaso ni former President Rodrigo Duterte sa International Criminal Court (ICC).
Sa interview sang Bombo Radyo kay Sonny Africa, Executive Director sang Ibon Foundation, iya ginpahayag nga mahimo tuyo sang mga pahayag ni Duterte nga pabaskugon ang suporta sang iya political base kag mapabilin nga intact ang ila panindugan samtang nagahilapit ang 2028 elections.
Suno sa iya, ini ang masami na nga kabahin sang estratehiya sa patag sang politika agud mapabilin ang pagsalig apisar sang pila ka mga issue nga ginapangatubang.
Nagpanawagan man ang natungdan nga importante nga magpabilin nga nakatutok ang publiko sa mga ebidensya kag sa nagakaigo nga proseso sa nagapadayon nga impeachment trial, sa baylo nga sa mga pahayag lamang nga posible maka-impluwensya sa opinyon sang publiko.
