-- ADVERTISEMENT --
Nagapati ang Ibon Foundation nga naghimo sang dako nga political drama kag kontrobersiya ang ginaduso nga P6.8 trillion national budget para sa 2026.
Sa interview sang Bombo Radyo kay Mr. Sonny Africa, Executive Director of Ibon Foundation, iya ginpahayag nga nagapabilin nga maluya ang pondo kag kulang sang matuod nga plano nga makapabag-o kag makapa-improve sang kabuhi sang Filipinos.
Suno kay Africa, daw kaangay nga nagakatabonan na subong ang mas importante nga kwestyon kun bala ang budget ang makasabat sa madugay na nga development problems sang pungsod.
Dugang pa sang natungdan, gamay lang ang nagdugang sa 2026 national budget kag indi ini bastante agud masuportahan ang economic growth sang Pilipinas.
