Nakibot ang Ibon Foundation sa mga ebidensya nga ginbuyagyag sang AMLC sa ikatatlo nga impeachment proceedings batok kay Vice President Sara Duterte.
Sa interview sang Bombo Radyo kay Mr. Sonny Africa, Executive Director sang Ibon Foundation, iya ginpahayag nga indi naman makatilingala ang indi pagtambong ni Vice President Sara Duterte bangud daw kaangay daw wala sini ginahatagan sang importansya ang mga proceedings.
Suno kay Africa, posible nga may yara sang iregularidad bangud sa tuman kadaku nga mga bank transfers sa account ni Duterte mangin ang mga pangalan.
Pahayag pa niya, samtang nagapadayon ang impeachment proceedings, nagadamu ang mga ebidensya nga nagatudlo kay Duterte batok sa mga impeachment complaints nga ginpasaka batok sa iya.
Nahibaluan nga sang Abril 22, sa ikatatlo nga impeachment proceedings sang House Justice Committee , gintalakay kag gin-evaluate ang statement of Assets, Liabilities and Net Worth (SALN) kaupod ang pila ka mga resource persons kaangay sang Anti-Money Laundering Council (AMLC), Office of the Ombudsman, kag ni former Senator Antonio Trillanes IV.
Dugang pa sang natungdan, nagalaum sila nga matapos kag madesisyonan na sa labing madali nga panahon ang mga kaso batok kay VP Sara agud mahatagan na sang atensyon ang iban pa nga mas importante nga isyu nga ginapangatubang sang pungsod.
