-- ADVERTISEMENT --

ROXAS CITY – Ginaplanohan sang Metro Roxas Water District ukon MRWD nga magsulod sa isa ka kontrata nga bulk water gikan sa 3rd party supplier nga gin-aprubahan man sang board of directors sang talatapan sadtong Setyembre 26, 2020.

Ini ang ginpahayag ni IBP-Capiz Chapter President Atty. Remia Fuentes-Bartolome sang maiterview sang Bombo Radyo.

Suno kay Bartolome nga nagaplano ang MRWD sa pagbakal sang bulk water sa balor nga 23 pesos per cubic meter.

Bangud diri, nagpadala sang sulat ang Integrated Bar of the Philippines (IBP) Capiz Chapter sa Sangguniang Panlalawigan, Sangguniang Panlungsod kag Sangguniang Bayan sang apat ka mga kabanwahanan sa probinsya.

Ini ang ginalakipan sang mga banwa sang Ivisan, Panay, Panitan kag Sigma, Capiz.

-- ADVERTISEMENT --

Ini bangud kinamatarong man sang mga pumuluyo nga mabal-an ang matuod nga rason sang MRWD sa pagduso sa sining nasambit nga plano.

Ginpahayag sini nga ginahibalo pa subong kun ano ang nagtulod sa MRWD bangud sa tion nga madayon ini posible nga magsaka ang balayran sang tubig kag maapektuhan ang mga kunsomidor.

Samtang, gindugang pa ni Bartolome nga mas magastos ini kun ikumparaar sa P9 per cubic meter nga cost of production.