-- ADVERTISEMENT --
Ginpanindugan sang Integrated Bar of the Philippines (IBP) nga legal kag valid ang Senate session nga ginhiwat sang Hunyo 3 sa pihak sang mga pamangkot angut sa quorum.
Suno sa IBP, base sa desisyon sang Korte Suprema sang Pilipinas sa kaso nga Avelino vs. Cuenco, opisyal kag valid ang tanan nga aksyon kag desisyon nga ginhimo sa nasambit nga session, lakip na ang pagpili kay Senator Sherwin Gatchalian bilang Acting Senate President Pro Tempore.
Gin-athag sang organisasyon nga ang presensya sang 12 ka mga senador ang bastante na agud maka-constitute sang quorum bangud indi makabig nga available sanday Senators Jinggoy Estrada kag Ronald Dela Rosa sa pag-perform sang ila katungdanan.
Nagtuhaw ang isyu matapos tatlo ka adlaw nga wala nakatambong sa plenary session ang majority bloc sa pagpanguna ni Senate President Alan Peter Cayetano sang Hunyo 3, apang natapos sa gihapon ang quorum sa presensya ni former Senate President Francis Escudero kag mga katapo sang minority bloc.
