Ginpanindugan sang isa ka accredited lawyer sang International Criminal Court (ICC) nga wala sang legal nga basehan ang plano nga apela sang kampo ni former President Rodrigo Duterte batok sa desisyon sang ICC Pre-Trial Chamber nga nagkumpirma sang mga kaso batok sa iya.
Sa interview sang Bombo Radyo kay Atty. Gilbert Andres, Accredited Lawyer sang International Criminal Court , iya ginpahayag nga ang apela sang kampo ni Duterte ang wala sang bag-o nga isyu ukon argumento nga dapat pamatian sang Appeals Chamber.
Suno kay Andres, ang ini nga tikang sang kampo ni Duterte posible lamang magdala sang pag-delay sa proseso sang kaso imbes nga mapadasig ang pagpadulong sa trial.
Ang nasambit nga apela ang may kaangtanan sa pagpamatok sang kampo ni Duterte batok sa desisyon sang ICC Pre-Trial Chamber I nga nagkumpirma sang mga kaso nga crimes against humanity nga may kaangtanan sa iya kampanya kontra droga.
Sa subong, nagapadayon ang proseso sang kaso sa ICC samtang ginahulat ang sunod nga mga tikang para sa posible nga pormal nga paglilitis.
