Ginbalibaran sang International Criminal Court ang hingyo sang kampo ni former President Rodrigo Duterte nga obligahon ang pagbutang sang “Expert verification reports” sa open-source kag user-generated nga ebidensya nga ginsumiter sa tribunal.
Ang grupo sang depensa nagpangabay nga amyendahan ang e-court protocol sang ICC kag idugang ang “Expert verification” sa isa ka partikular nga metadata field, ang electronic discovery system sang registry sang korte.
Sa pito ka panid nga desisyon nga napetsahan Septyembre 27, ang Trial Chamber III nagsiling nga mahimo ini makatuga sang pagka-delay sa pagsugod sang hearing bangod sang kadamuon sang ebidensya nga kinahanglan nga repasuhon.
Suno sa Chamber, ang katuyuan sang depensa ang matuman paagi sa nagaluntad nga proseso sa diin mahimo nga kwestyunon sang mga partido ang admissibility ukon iban pa nga criteria sang ebidensya sa tion nga ini ginsumiter ukon gilayon pagkatapos nga madeterminar ang isyu.
Natalana naman nga magasugod ang trial kay Duterte sa ICC sa Nobyembre 30.
