Ginbasura sang International Criminal Court ang hingyo sang kampo ni Rodrigo Duterte nga i-apela ang desisyon may kaangtanan sa kaso nga crimes against humanity batuk sa iya bangud sa war on drugs.
Sa desisyon sang ICC Pre-Trial Chamber I, ginpahayag sang mga judges nga wala sang bastante nga rason agud tugutan ang pag-apela sang anay presidente.
Suno sa kampo ni Duterte, tuman ka malapad ang sakop sang mga kaso kag kulang sa paathag ang mga ebidensiya nga gingamit batuk sa iya. Apang ang Prosecution nagsiling nga ang proseso husto kag ang korte may bastante nga mga rason para sa iya desisyon.
Matandaan nga sang Abril 23, ginkumpirma sang ICC ang mga panumbungon batok kay Duterte may kaangtanan sa ginaalegar pagpamatay sa idalum sang kampanya kontra iligal nga droga humalin 2013 tubtub 2018, lakip na sang ini ang alkalde pa sang Davao City tubtub nangin presidente.
Kalakip sa mga panumbungon nga iya ginapangatubang amo ang murder kag attempted murder bilang crimes against humanity.
Una na man nga ginbasura sang ICC Appeals Chamber ang apela sang kampo ni Duterte angot sa jurisdiksyon sang korte kag hingyo nga buy-an siya.
