MANILA, Philippines – Ginkumpirmar sang International Criminal Court “ICC”, subong nga Mayo 11, 2026 ang pagkamatuod sang warrant of arrest batok kay Senator Ronald “Bato”, Dela Rosa may kaangtanan sa war on drugs sang administrasyon ni Former President Rodrigo R. Duterte.
Suno sa ICC, ang warrant gin-isyu sa idalom sang Pre-Trial Chamber I sang Nobyembre 6, 2025.
Ginpahayag man sang ICC nga ginahanda na nila ang pag-unseal sang warrant agud opisyal nga maipaguwa ini sa publiko.
Sa pihak sini, nagpabilin si Sen. Dela Rosa sa sulod sang Senado matapos magtambong sa plenary session kag ginpaidalom sa protective custody bangud sang amo nga warrant.
Gin-akusaran man ang NBI nga nagtisting magserbe sang warrant sa senador samtang yara sa Senado, upod si anay Senador Antonio Trillanes IV, nga nagdala sang kopya sang warrant.
Ginkondenar naman ni Senate President Alan Peter Cayetano ang amo nga tikang nga kon sa diin ang warrant lang sang korte sang Pilipinas ang ila pagasundon.
