Gintugutan sang International Criminal Court (ICC) ang pareho nga pangabay gikan sa kampo ni anay Presidente Rodrigo Duterte kag sang prosekusyon nga magdugang sang mga ebidensya para sa confirmation of charges hearing buwas nga adlaw.
Sa desisyon nga ginpaguwa sang Pebrero 20, gindampigan sang Pre-Trial Chamber I ang ikaduha nga pangabay sang depensa nga idugang ang “mga butang” sa ila listahan sang ebidensya kag ang pangabay sang prosekusyon nga idugang ang 14 ka mga butang sa ila listahan sang ebidensya.
Sa amo man nga adlaw, ginkumpirma sang Prosekusyon nga wala ini nagapamatok sa pagbaton sang materyal nga nalista sa Annex A sang pangabay sang depensa kag ginpangabay ang Kamara nga batunon ang 14 ka mga butang sa ila listahan sang ebidensya, sa diin ginklaro sini nga wala sang pagpamatok ang depensa.
Gin-athag man sang ICC Pre-Trial Chamber I nga may bastante nga mga rason sa paghatag sang mga pangabay nga wala nagatuga sang indi nagakaigo nga undue prejudice ukon halit sa bisan diin nga partido.
Matandaan, una na nga gintugutan ang Chamber ang pangabay ni Duterte nga indi magtambong sa iya confirmation of charges buwas nga adlaw.
