ICC, gintugutan na ang hingyo ni FPRRD nga dugangan ang iya contacts samtang yara sa detention

Gintugutan na sang ICC Trial Chamber III ang pangabay ni former President Rodrigo Duterte nga idugang ang isa ka wala ginbuyagyag nga indibidwal sa ila listahan sang mga indi pribilehiyo nga mga kontak.

Sa desisyon nga napetsahan Hunyo 11, ginpahayag sang korte nga indi na kinahanglan ang pagdumili sa mga tawag kag pagbisita sa tunga ni Duterte kag sang indibidwal. 

Ginmanduan man sini ang Registry nga gilayon nga i-report ang anuman nga posible nga paglapas sa nagaluntad nga mga pagdumili.

Ginhatagan pagtamod sang ICC nga ang isa ka detainee may kinamatarong nga makig-angot sa pamilya kag iban pa nga mga tawo paagi sa mga sulat, tawag sa telepono kag pagbisita. 

Ginkilala man sang korte ang kinamatarong sa privacy kag kabuhi sang pamilya bilang kabahin sang tawhanon nga kinamatarong.

Matandaan ang kampo ni Duterte nag-file sang request sang Mayo, nga wala ginpamatukan sang Prosecution basta nagapabilin ang nagaluntad nga mga limitasyon.

Samtang, ang trial kay Duterte natalana nga magsugod sa Nobyembre 30, 2026.