Ginalauman nga liwat nga usisaon sang International Criminal Court (ICC) ang aplikasyon sang mga biktima sang maduguon nga drug war nga luyag magpasakop sa hearing batuk kay former President Rodrigo Duterte.
Ini kasunod sang pinal nga kumpirmasyon sang international tribunal sa kaso ni FPRRD
Suno sa ICC, iga-release sini ang bag-o nga deadline para sa mga himata sang mga biktima nga maka-file sang ila application samtang yara sa trial stage ang kaso.
Ang mga aplikasyon nga wala nalakip sa sakop sang amo nga kaso ang isumite sa Trial Chamber para sa bag-o nga pagrepaso.
Matandaan una na nga gin-authorized sang ICC Pre-Trial Chamber I nga tugutan ang 539 ka mga biktima nga mag-intra sa natalana nga hearing.
Apang, una na nga gin-athag sang korte nga wala ini nagakahulugan nga magatestigo ang mga biktima sa nagapadayon nga trial batok sa anay lider sang Pilipinas.
