Natalana nga magpatigayon sang status conference ang International Criminal Court (ICC) Trial Chamber III sa kaso nga crime against humanity batok kay former President Rodrigo Duterte subong nga adlaw, Setyembre 16.
Magasugod ini mga alas 4:30 sang hapon oras sa Pilipinas.
Sa nasambit nga third status conference, istoryahan ang pila ka mga butang kaangay sang listahan sang mga testigo, listahan sang mga ebidensya, mga pagbuyagyag sa depensa kag pila ka mga posible nga insidente.
Lakip man sa mga pagatalakayon amo ang paghatag sang schedule sa trial proper nga magasugod sa Nobyembre 30, lakip ang hingyo para sa sunod-sunod nga mga trial nga may mga breaks kag sitting hours.
Indi pa sigurado kun makatambong sa personal si Duterte apang kinahanglan pa sini nga magpresentar sa mga hukom sang ICC umpisa sang naaresto ini sang Marso 2025.
