Natalana nga magapaguwa sang desisyon ang International Criminal Court (ICC) Appeals Chamber buwas nga adlaw, kun bala may hurisdiksyon ang korte sa kaso nga crimes against humanity batok kay anay Presidente Rodrigo Duterte.
Ini matapos nga gin-apelar sang kampo ni Duterte ang una nga desisyon nga nagapasangkad sang gahom sang ICC sa pag-imbestigar sang iya “war on drugs.”
Ginalauman nga basahon ang desisyon sa takka alas-5:00 sang hapon (oras sa Pilipinas).
Ginpahayag man sang iya abogado nga indi magtambong si Duterte sa pagbasa sang desisyon sa The Hague Netherlands.
Sa tion nga kun paboran sang Appeals Chamber ang apela, posible nga mauntat ang imbestigasyon batok sa iya.
Samtang kun pabor ang hurisdiksyon sang ICC magapadayon ang kaso kag masunod ang hearing para sa confimartion of charges.
