-- ADVERTISEMENT --
Nagmandu ang International Criminal Court Trial Chamber III sang panibag-o nga komprehensibo nga medical examination kay former President Rodrigo Duterte.
Katuyuan sini nga mahibaluan ang iya fitness to stand trial nga magasugod sa Nobyembre 30.
Sa desisyon nga ginpagwa sang Hunyo 12, gin-reactivate ang multidisciplinary medical panel nga nagapatigayon sang evaluation sa anay presidente para sa iya pre-trial phase.
Matandaan nga una nga ginhingyo sang defense team ang evaluation sang Mayo 25, kon sa diin ginpamatukan nila ang initial nga desisyon sang korte nga nagakabagay siya nga mag-stand trial.
Nahibaluan nga nagapangatubang sang crime against humanity si Duterte bangud sang iya maduguon nga kampanya kontra iligal nga droga.
-- ADVERTISEMENT --
