Gintalana na sang International Criminal Court (ICC) ang pila ka importante nga mga petsa para sa pag-uswag sang kaso ni former President Rodrigo Duterte nga masobra na isa ka tuig nga napreso sa The Hague, Netherlands.
Kasunod ini sang una nga status conference sa iya kaso sang Mayo 27.
Lakip sa mga importante nga petsa amo ang June 23 para sa ikaduha nga status conference kag June 29 para sa pagsumite sang prosecution sang ila inisyal nga listahan sang mga testigo.
Sa July 14 naman pagatigayunon ang ikatatlo nga status conference, samtang sa August 31 ang deadline sang final witness list kag ebidensya sang prosecution.
Gintalana man ang trial briefing sang mga representative sang mga biktima sa September 28 kag para naman sa defense panel sa October 30.
Nahibaluan nga magasugod ang trial batuk kay Duterte sa Nobyembre 30, 2026.
