Nagapangita ang International Criminal Court (ICC) sang mga paraprofessional interpreters kag associate court interpreters agud magbulig sa translate sang witness testimony kag iban pa bilang preparasyon sa pagbista kay anay Presidente Rodrigo Duterte sa Nobyembre subong nga tuig.
Suno sa anunsyo sang ICC, ang mga aplikasyon para sa duha ka fixed-term nga posisyon nga may kontrata tubtob Disyembre 31 sini nga tuig ang bukas tubtob sa Hulyo 4.
Ang mga mapilian magabase sa The Hague, Netherlands.
Ang ila mga katungdanan nagalakip sang paglubad sang mga testimonya sang mga saksi, pagtuon sang mga pahayag, paghanda sang mga interpretasyon, kag paghimo sang mga glosaryo sang terminolohiya.
Kinahanglan man ang mataas nga lebel sang ikasarang sa Filipino kag/ukon Cebuano kag Ingles.
Una na nga naghingyo ang korte nga siguraduhon ang interpretasyon sa Filipino kag Cebuano agud mas mahangpan sang mga tumalan-aw gikan sa Pilipinas ang mga hearing. Balita sa Pulitika sa Pilipinas
Madumduman nga ang ICC nagpangita anay sang mga Filipino kag Cebuano nga mga manugbadbad sang 2024 kag mga transcriber sang duha ka lenguahe sang 2025.
