Ginkumpirma na sang International Criminal Court (ICC) Pre-Trial Chamber I ang tanan nga charges nga ginpasaka batok kay former President Rodrigo Roa Duterte, may kaangtanan sa ginaalegar crimes against humanity of murder nga ginhimo sa idalum sang kampanya kontra droga.
Suno sa ICC, bastante na ang mga ebidensya nga ginpresenta sang Office of the Prosecutor agud mapadayon ang hearing.
Lakip sa mga kumpirmado nga kaso amo ang tatlo ka kaso sang crimes against humanity, nga nagatumod sa 78 ka mga biktima sang extrajudicial killings sa Pilipinas.
Kasunod sang desisyon, ang hearing kay Duterte pormal na nga magapadayon sa The Hague, Netherlands. Ini nga tikang kasunod sang nauna nga desisyon sang Appeals Chamber nga nagpamatuod sang jurisdiction sang ICC sa mga krimen nga nahimo antes nag-atras ang Pilipinas sa Rome Statute sang 2019.
Suno sa mga analyst, ini nga desisyon nagamarka sang isa ka makasaysayan nga hitabo sa international justice, bangud ini ang una nga tion nga ang isa ka anay pangulo sang estado gikan sa Southeast Asia ang magaatubang sa sini nga lebel sang hearing.
