Naglab-ot sa 2,279 ka mga ebidensya ang ginklasipikar sang prosekusyon sang International Criminal Court ukon ICC bilang “incriminating” sa kaso batok kay former President Rodrigo Duterte.
Suno sa prosecution team, kabahin ini sang 6,909 ka mga ebidensya nga ginbuyagyag sang defense team halin Enero 7 tubtob Hulyo 31, 2026, suno sa mga pagsulundan sang korte.
Ang mga ebidensya nga ginklasipikar nga incriminating ang ginalakipan sang mga materyales may kaangtanan sa barangay clearance operations, Davao Death Squad kag iban pa nga mga ebidensya nga nagatuyo sa pag-establisar sang mga elemento sang kaso kag sa responsibilidad sang akusado.
Samtang, 4,573 ka mga ebidensya ang ginklasipikar sa idalom sang Rule 77, samtang 57 ang ginakabig nga “potentially exonerating” ukon mahimo nga may yara sang impormasyon nga paborable sa depensa.
Ginpirmahan ni ICC Deputy Prosecutor Mame Mandiaye Niang ang abiso.
Natalana naman nga magasugod ang trial kay Duterte sa Nobyembre 30 may kaangtanan sa mga alegasyon sang crimes against humanity nga may kaangtanan sa kampanya kontra droga.
