Nagapangayo ang ICC Office of the Prosecutor sa Trial Chamber III nga ipadayon ang detention kay anay Presidente Rodrigo Duterte bangod kinahanglan ini agud malikawan nga makapanghilabot siya sa mga testigo.
Suno kay Acting Prosecutor Mame Mandiaye Niang, wala nagbag-o ang kahimtangan ni Duterte nga mangin rason para bag-uhon ang una nga mando sang korte, kag dugang pa, nagdugang pa gani ang risgo nga mahimo siya makapanghilabot sa mga testigo ukon makapalagyo.
Ginpahayag man sang prosekusyon nga nadugangan sang walo ka insidente ang mga kaso batok kay Duterte kag nahatag na sa iya depensa ang listahan sang mga testigo kag ila ginalauman nga testimonya.
Sa pihak nga bahin, ginpahayag sang abogado ni Duterte nga si Peter Haynes nga ang iya detention dapat ikonsiderar kaupod sang nagapabilin pa nga isyu kon fit ukon sarang siya nga mag-atubang sa trial, nga ginahulat pa ang desisyon sang korte.
Suno sa depensa, gamiton ni Duterte ang iya kinatarong nga mangayo sang review sang iya detention matapos magdesisyon ang Trial Chamber III sa iya fitness to stand trial, kon may nagakaigo nga pagbag-o sa iya kahimtangan.
