Pormal nga ginhingyo sang International Criminal Court (ICC) Prosecutor Chief Karim Khan sa Appeals Chamber nga ibasura ang request nga i-disqualify siya sa kaso ni anay Presidente Rodrigo Duterte.
Sa iya pagsumite, gin-insister ni Khan nga ang mga pag-angkon sang depensa batok sa iya nga napaslawan sia sa pagtuman sang gintalana nga legal threshold para sa diskwalipikasyon sa pag-uyat sang kaso isa lamang ka espekulasyon kag wala sang basehan.
Gin-athag sang ICC Prosecutor Chief nga wala makompromiso ang iya fairness bangud sa limitado sini nga papel sa pormal nga pagsumiter sang 2018 nga ginatawag Article 15 communication, nga ginsumiter sang mga indibidwal, grupo ukon organisasyon nga naghingyo sa Korte nga imbestigahan ang mga gina-alegar krimen sa idalum sang war on
Sa katapusan, ginpamatud-an ni Khan ang iya pagtahod sa Authority sang Appeals Chamber kag nagsiling nga kon ang konseho makakita sang resonanble nga mga rason para sa mangin bias ukon indi patas, tumanon niya sang lubos ang desisyon sang Chamber.
Tubtob subong, wala pa sang ruling ang ICC may kaangtanan sa disqualification request sang defence team sang anay Presidente.
Madumduman nga ang disqualification request sang depensa ang nag-ugat sa gina-alegar “irreconciliable conflict of interest” ni Khan bangud sa iya representasyon sa mga biktima sang gina-alegar extra-judicial killings sa Pilipinas kag ang iya masunod nga papel bilang Chief ICC Prosecutor nga gin-assign sa pagpatigayon sang patas kag impartial nga imbestigasyon sa amo man nga polisa sa pagpatay.
