Ginbuksan na sang Office of the Prosecutor sang International Criminal Court (ICC) ang online portal para sa pagsumiter sang impormasyon sa maduguon nga war on drugs.
Diri ginaengganyo ang mga testigo, kalakip ang mga anay kag sa karon nagapatuman sang kasuguan kag opisyal sang gobyerno nga magsumiter sang impormasyon nahanungod sa drug war sang nakaligad nga administrasyon.
Ginpahayag ni Kristina Conti, ICC assistant to counsel kag isa sa mga abogado nga nagatiglawas sa mga biktima sang drug war, nga pahanugutan ang sin-o man nga may mapatihan nga impormasyon sa isyu nga direkta nga isumiter sa tribunal.
Ginsiguro sini nga ang impormasyon ang ipabilin nga confidential kag mahimo nga ipaguwa sa panahon sang trial.
Mahimo nga magsumiter ang mga saksi sang impormasyon pinaagi sa appeals.icc-cpi.int.
Ang portal ang may yara sang mga opsyon sa linggwahe nga Ingles kag Tagalog.
Suno sa ICC, ang impormasyon nga ipakigbahin sa platform ang pagausisaon. Kun kinahanglan, makig-angut ang ICC para sa pagklaro sa sin-o man sa mga naghatag sang impormasyon.
Nagpasalamat man si Conti sa mga magabulig kag magahatag sang impormasyon.
