Gindiskusyunan man sa International Criminal Court (ICC) sa una nga Status Conference sa kaso ni anay President Rodrigo Duterte ang paggamit sang dako nga bahin sang Pilipinas sa pulong nga Ingles bilang isa sa masami nga ginagamit nga lenggwahe sa pungsod.
Kasunod ini sang nangin pahayag sang prosecution panel nga nagabantay gid ang mga Pilipino sa mga hitabo sa kaso ni Duterte.
Suno sa prosecution panel, importante para sa mga Pilipino nga mas mahangpan ang bug-os nga proseso sang trial, ilabi na nga hugot nga ginabantayan sang publiko ang mga nagakatabo sa kaso.
May kaangtanan diri, pabor ang ICC nga mahatagan sang interpreter ang mga witnesses batok kay Duterte agud ma-translate sa ila lenggwahe ang mga paghinun-anon nga nagakatabo sa tion sang trial.
