ROXAS CITY-Nagapabilin sa ospital ang 40-anyos nga ice cream vendor matapos ginaalegar ginbuno sa Sitio Sambag Barangay Duran, Dumalag, Capiz.
Ginkilala ang biktima nga si Carlos Sabigan, residente man sang nasambit nga lugar.
Sandig sa inisyal nga imbestigasyon sang Dumalag Municipal Police Station nagaguwa nga samtang nagainom ang biktima sa balay sang bayaw nagpadulong ang duha ka mga suspetsado nga ginkilala nga sanday Jerel Liza, 22-anyos kag Jason Payas 22- anyos lunsay mga residente sang nasambit man mga lugar.
Ginapahayag nga may yara sang nagluntad nga komosyon sa tunga sang biktima kag suspetsado nga nagresulta sa pagka-buno sa biktima.
Nakaangkon sang pilas ang duha ka mga biktima kag gindala sa Tapaz District Hospital apang gilayon nga gintransfer sa Mambusao District Hospital.
Nakaangkon man sang pilas ang duha ka mga suspetsado matapos ginlampusan sang botelya kag gilayon man nga gindala sa Dao District Hospital.
Apang matapos nga mabulong ang mga pilas, gilayon sila nga ginpaguwa sa ospital.
Sa karon nakahuhong na sa karsel sang Dumalag Municipal Police Station ang duha ka mga suspetsado.
