Isa ka lalaki sa Wisconsin ang nagadrive sa bug-os nga pungsod sa isa ka mabaskog nga snowstorm agud makig-upod liwat sa iya ido nga nadula apat ka tuig na ang nakaligad sa Philadelphia.
Suno sa Animal Care & Control Team sang Philly, may yara sang isa ka ido ang bag-o lang gindala nga layaw kag gilayon nga gin-check gamit ang microchip.
Naguwa sa microchip nga siya si Cipi, ang ido nga ginreport nga nadula sa amo man nga lugar apat ka tuig na ang nakaligad.
Nahibaluan nga nagsaylo sa Wisconsin ang tag-iya ni Cipi nga si Leovigildo Ramirez matapos nga nadula ang iya hinuptanan nga ido.
Sang nahibaluan niya nga nakit-an na ang iya ido, wala siya nagduha-duha nga magbyahe sang 16 ka oras pabalik sa Philadelphia apisar nga malain ang panahon.
Suno kay Ramirez, nagdalagan si Cipi sang tuig 2022 samtang nahakat siya sang mga groceries pasulod sa iya balay.
Sa pihak sang nagligad nga mga tinuig ng mga taon, padayon niya nga gin-update ang microchip sang ido, isa ka desisyon nga nagdul-ong sa ila pagkitaay liwat.
