Nakuha sang Filipino athlete nga si Jeus Gabriel Derick Yape ang ikaapat nga gold medal sang pungsod sa 2026 Aichi-Nagoya Asian Games matapos nga nagdominar sa Mixed Individual Virtual Taekwondo Gold Medal Contest sa Toyohashi Gymnasium sa Japan.
Ini matapos nga ginpierde niya si Chau Ngoc Tuyet Sang sang Vietnam.
Ginpakita sang Pilipinas ang bug-os nga superiority sa virtual sang mkarekord si Yape sang kabug-usan nga 1,120-0 nga bentaha sa Remaining HP.
Sa sini nga makasaysayan nga kadalag-an, opisyal nga nalampasan sang Team Pilipinas ang ila medal tally sa Hangzhou Asian Games nga may mas mataas nga numero sang silvers kag bronzes magluwas sa apat ka golds.
Padayon ang selebrasyon sang delegasyon sang Pilipinas sa Nagoya samtang nagaani sang dugang nga pasidungog ang mga national athletes sa nagkalain-lain nga sports fields.
