Ika-tatlo nga ‘arrest warrant’ nga ginpagwa sang Korte batuk kay Atong Ang, ginkumpirma sang iya nga kampo

Ginkumpirma sang kampo ni Atong Ang nga ginpagwa na sang korte ang ika-tatlo nga ‘warrant of arrest’ natuhoy sa kaso sini nga ginpangatubang nga may kaangtanan sa pagkadula sang mga manugbulang. 

Suno kay Atty. Gabriel Villareal, abogado ni Atong Ang, nag-isyu na sang warrant ang Regional Trial Court sang San Pablo, Laguna batok sa negosyante.

Partikular nga ‘Kidnapping and Serious Illegal Detention’ ang kaso kun sa diin nag-isyu sang kasuguan ang korte para mapadakop ang pugante nga si Ang.

Madumduman nga ginpaiway anay sang San Pablo, Laguna Regional Trial Court ang pag-isyu sang ‘warrant of arrest’ batok sa negosyante nga si Charlie ‘Atong’ Ang sang damlag lang.