ROXAS CITY – Kasaysayan nga makabig matapos madesignar si Hon. Rafe Laluma bilang representante sang Indingenous People sang Sangguniang Panlalawigan.
Ini ang labing una nga natabo sa bug-os nga Western Visayas.
Sa interview sang Bombo Radyo kay Hon. Rafe Laluma, Indigenous Peoples Mandatory Representative (IPMR), ginsiling sini nga tuman ang iya pagpasalamat kag kalipay nga natigayon na ang ila handom humalin pa sang 2005 nga mga IP’s nga mabutang sa nasambit nga puwesto.
Nagapasalamat man siya sang dako sa mahal nga makaaku amu man sa gobyerno probinsyal bangud ginasuportahan siya.
Nagapakita lang ini suno diri nga palangga ni Gov. Fredenil Castro ang mga IP.
Una nga igaprayoridad ni Laluma ang ikaayong lawas sang mga IP’s ilabi na ang yara sa mga malayo nga lugar, ikaduwa nga pagatutukan ang edukasyon nga amu ang iyabi sa pag-uswag sang ila pangabuhi.
Amat-amat naman nga nabatyagan ang pag-develop sang IP kun sa diin kalakip ang pila ka mga estudyante sa scholarship nga programa sang Provincial Government kag nagapartisipar man sila pinaagi sa pagpabakuna.
Problema man suno diri sa mga IP sa tion sang emerhensiya bangud malayo ang ospital, gani isa man ini sa iya plano nga alokaran sang pondo, amu man ang pagpatukod sang mga buluthoan.
Gapasalig si Laluma nga itib-ong ang mga IP’s kag ipasanyog ang ila pangabuy-anan kag komunidad sa bug-os nga probinsya sang Capiz.
