Sa pagpadayon sang impeachment trial batuk Kay VP Sara Duterte, liwat nga gin-ungkat ang “designated survivor” nga pahayag sang Bise Presidente sang duha ka tuig na ang nakaligad.
Una nga ginbuy-an nga tinaga sang Bise Presidente sang ginpamangkot kun magatambong ini sa July 2024 State of the Nation Address (SONA) ni President Ferdinand Marcos.
Sa iya sabat sadto nga tion, ginpahayag ni VP Sara nga indi sia magtambong sa SONA kag sa baylo gindesignar niya ang iya kaugalingon bilang “designated survivor.”
Suno kay NBI Agent John Mark Calilung, isa sa mga una nga testigo para sa House prosecution panel may kopya sang video ang NBI; ini ang lakip sa mga footage nga natipon sang bureau samtang gina-imbestigaran ang gina-alegar pamahog nga ginhimo ni VP Sara batok kay President Marcos Jr., Kag First Lady Atty. Liza Araneta Marcos, kag Leyte Rep. Martin Romualdez.
