ROXAS CITY – Mahimo na makapanindahan sa mobile market sa Barangay Lawaan, sining siyudad.
Ini nga inisyatibo ang gindihon sang gobyerno sang siyudad agud mapahagan-hagan ang pagdugok sang mga bumalakal sa merkado bangud sang pamahog sang coronavirus disease (COVID-19) pandemic.
Suno kay Helouise Mendoza ang Market Administrator sang Teodoro Arcenas Trade Center nga ginpahamtang ang mobile market sa amo nga barangay agud indi na maglakat kag manindahan ang mga residente sa pampubliko nga merkado kag dira na lamang manindihan sang ila mga kinahanglanon sa ila barangay.
Ang nasambit nga mobile market ang ginalakipan sang meat section, fish section kag fruits and vegetable section.
Matandaan nga una na nga ginpahamtang ang una nga barangay mobile market sadtong Abril 8 nga nahamtang sa People’s Park, Barangay Baybay.
Igatukod naman ang ikatatlo nga barangay mobile market sa Barangay Banica sining siyudad.
