-- ADVERTISEMENT --
ROXAS CITY – Narekord ang ika-duha nga coronavirus disease (COVID-19) recovery sa probinsiya sang Capiz.
Ini ang gin-anunsiyo mismo ni Capiz Governor Esteban Evan ‘Nonoy’ Contreras.
Ini matapos nga nag-ayo sa nasambit nga balatian ang amo nga pasyente kag natalana nga ma-discharge sa ospital sa Abril, 20, 2020 sa Roxas Memorial Provincial Hospital.
Apisar nga makaguwa na sa ospital ang amo nga pasyente, magapaidalom sa gihapon ini sa strict home quarantine.
Mahibaluan nga may yara karon sang kabug-usan nga 5 ka mga kaso sang COVID-19 ang probinsiya.
-- ADVERTISEMENT --
Isa diri ang napatay kag nagdangat na sa duha ang naka-recover ukon nag-ayo.
Bangud diri, may yara na lamang sang duha ka mga active COVID-19 cases ang probinsiya.
